Helburu dugu Euskal Herria mendiz mendi zeharkatu eta 15 egunez euskaraz mintzatzea. Gogoko baduzu gure herriko leku bitxiak, ohiturak, euskalkiak... hobeto ezagutu eta ibiltzea, opor ederrak pasatzeko aukera ezin hobea duzu hau:

UZTAILA: 13tik 28ra
Otxandio + Leintz-Gatzaga + Arantzazu + San Adrián  +Lizarrusti + Aralar + Arrarats + Belate + Sorogain + Garralda + Hiriberri + Irati + Belagua + Lintza + Izaba.

• Prezioa: 735 €

ANTOLAKETA

• Egun bakoitzean, batez beste, 20-25 bat kilometro egingo ditugu, gehienak goizean; eta bidean behar beste geldiune egingo ditugu interesgarri deritzegun lekuak ikusi ahal izateko. Ibilbideak lasai asko egingo ditugu, partaideon erritmoari jarraituko diogu, eta, behar izatekotan, furgoneta izango dugu etaparen bat laburtu ahal izateko. Gainera, etapa askotan bide errazagoak eta laburragoak egiteko aukera eskainiko da.
• Erosoago ibiltzeko, pisu guztia furgonetan eramango dugu (motxilak, dendak, mahaiak...). Antolatzaile bi gidari izango ditugu bidean, eta besteak furgoneta eramango du. Etapa bakoitzaren ibilbidea eta ikusiko diren lekuei buruzko informazioa dakartzan liburuxka bana izango dugu.
• Eskolarik ez da egongo, baina hizkuntzarekin lotutako hainbat ekintza egin ahal izango dira: tokian tokiko hiztunekin harremanetan jarri edo jarduera kulturalen baten parte hartu (diaporama bat ikusi, ipuin-kontalaria, erakustaldiak, bisita gidatuak...).
• Eta, jakina, antolatzaileak laguntzeko eta zalantzak argitzeko egongo dira bertan.

IZEN-EMATEA
Azken eguna ekainaren 26a
praktikatu.eus/ibiltaria
INFORMAZIOA
639 654 138 
Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.

AEKren Praktikatu zerbitzuak KIROLA eta NATURA programaren barruan udaberri aldera 4 txango antolatuko ditu:

• Apirilaren 21ean, Etxaurren-Eskorrieta. Ibilbidean zehar ipuin-kontalariak enkantatuko gaitu.
• Maiatzaren 5ean, Serantesen orientazio probak.
• Maiatzaren 26an, Butroen orientazioa familian.
• Ekainaren 16an, Itxina bertsotan zeharkatu.

Txangoetan parte hartzea dohainik bada ere, nahitaezkoa da aurretik izena ematea. Txangoetan izena emateko bete fitxa hau.

2024ean euskaraz praktikatu nahi baduzu, zabalik duzu Mintzapraktika programetan parte hartzeko aukera: dohainik da, etxetik hurbil eta zure mailako taldeekin. Gainera, sari eta deskontuak izango dituzu.

Animatu, eta eman izena!

AEKren Praktikatu zerbitzuak berriz ere abian jarri ditu online mintzataldeak. Online eskaintza hori oso aukera erraza eta erosoa da, baldin eta. ordutegia edo distantzia tarteko, norbaitek euskara praktikatzeko aurrez aurreko aukerarik ez badu. Horrela, ordenagailu, tableta edo sakelakotik, parte-hartzaileek aukera izango dute beste euskaldun batzuk ezagutu eta haiekin hitz egiteko.

Izen-ematea azaroaren 1etik 30era egongo da zabalik. Izena emateko, ONLINE modalitatea sakatu beheko lotura, eta aukeratu gustuko egun(ak) eta ordutegia(k).

Animatu, eta eman izena!