28
Mar

UDAN ERE EUSKARAZ

 
Udan ere mintzataldeak osatuko ditugu, uztailean eta abuztuan; eta aukera dago hilabete batean edo bietan parte hartzeko.
Dohainik da, eta gainera eguzkitako betaurreko ederrak zozketatuko ditugu.
Horietakoren batean parte hartu nahi baduzu, zure herriko euskaltegian izena eman edo bete fitxa hau.

Eman izena ekainaren 24a baino lehen.
03
Mar

EUSKARAZ PRAKTIKATU NAHI?

Hainbat aukera ditugu zuretzat:

MINTZATALDEAK 
Kafea hartu, bueltatxoa eman... astean behin elkartzen gara, euskaraz praktikatu eta bizitzeko.

MENDILAGUN
Euskaraz praktikatu, kirola egin, naturaz gozatu... lagunekin euskaraz bizitzeko aukera paregabea.
 
FAMILIAEKINTZAK
Eskulanak, jolasak, txangoak... hainbat aukera familiontzat, euskaraz bizi eta gozatzeko.
 
IRAKURZALEKLUBA
Euskaraz irakurri, idazleak ezagutu eta geure kulturaz aberasteko lagun-taldea.
 
AISIAEUSKARAZ
Sukaldaritza, yoga, bisita gidatuak, museoak, hitzaldiak, dantza-tailerrak... lagun berriak egin eta euskaraz bizitzeko guneak sortzen ditugu.
 
MINTZODROMOAK
Herrian, lagun artean, eguneko gaiak, ideiak eta iritziak euskaraz partekatzeko gunea. 
 

PRAKTIKATU EUSKARAZ GUREKIN!

EMAN IZENA

20
Ots

IBILTARIA 2022

Udako ibiltariak pandemia aurreko erritmoa hartu du, zorionez, eta, dagoeneko, 2022ko datak zehaztuta ditugu:

    Oinez. Uztailaren 16tik 31ra.
    Bizikletaz. Abuztuaren 1etik 15era.

Prezioak, ibilbideak eta izena ematea > https://praktikatu.eus/ibiltaria

21
Ots

KIROLA eta NATURA 2022

Martxan dugu berriro KIROLA eta NATURA programa. Uda aurretik hiru txango antolatu ditugu ekimena berpiztu eta jarraipena emateko. KIROLA eta NATURA bitartez, AEKren Praktikatu zerbitzuak gonbidatzen zaitu Euskal Herriko txokorik ederrenak euskaraz ezagutzera.

 

UDA AURREKO TXANGOAK

  • Maiatzak 15ean MAIRUELEGORRETAKO KOBAK

  • Ekainaren 12an ORIENTAZIOA LUZUERON(Zierbena)

  • Ekainaren 19an FLYSCHAREN IBILBIDEA(Itziar)

Txangoetan parte hartzea dohanik bada ere, nahitaezkoa da aurretik izena ematea. Partaide guztiek jasoko dute opari bat, txangoa abiatzerakoan. Halaber, adituen taldeak izango dira beti bidean laguntza emateko. Txangoetan izena emateko bete fitxa hau.

09
Urt

MINTZATALDEAK ZAIN DITUZU!

2022an euskaraz praktikatu nahi baduzu, Mintzataldean zain dituzu. Mintzapraktika programetan parte hartzea dohainik da, eta hainbat abantaila daude: sariak, deskontuak.. Online aukera ere baduzu. EMAN IZENA

OHARRA: Parte-hartzaileen segurtasuna eta osasuna bermatzeko mintzataldeetan babes-neurriak ezarri ditugu.

25
Ira

KIROLA eta NATURA ekimena berriro martxan

KIROLA eta NATURA ekimena berriro martxan
2020ko otsailean Altuben azken mendi-ibilaldia egin genuenean, ez genekien pandemiaren gorabeherak noraino helduko ziren. Orain, hogei hilabete pasa ondoren, gogotsu gaude berriz KIROLA eta NATURA programari heltzeko, eta urria-abendua bitartean hasierako 3 txangoak prest ditugu. Hauek dira, gure proposamenak:

2021/10/24 Entziako baso sorgindua
2021/11/21 Montefuerte parkean orientazioa
2021/12/12 Araotzeko haitzuloak

Informazioa eta izena ematea: http://kirolaetanatura.blogspot.com/

13
Ira

Praktikatu Euskaraz Gurekin

Hasiak dira mintzapraktika programak

Aurten ere, AEKren Praktikatu zerbitzuak hainbat aukera eskaini nahi dizkizu: astean behin mintzataldean bildu eta patxadaz hitz egin; Gurasolagun egitasmoko tailerrak; bestelako jarduerak, hitzaldiak, txangoak, irakurzale-klubak... Beraz, interesik baduzu, eman izena, zabalik dago-eta horretarako epea. Primeran sentituko zara denetan zure helburua beteta: euskara praktikatzea eta lagun berriekin euskaraz egitea.


Oraindik ere ezohiko egoeran jarraitzen dugunez, pandemia dela eta, beharrezko prebentzio-neurri guztiak hartuko ditugu mintzapraktika taldeetan eta ekitaldi guztietan. Horrez gain, aurrez aurreko eskaintza osatze aldera, urriaren amaieran ONLINE taldeetan parte hartzeko aukera luzatuko dugu.

Hortaz, gure eskaintza erakargarria iruditzen bazaizu, jo euskaltegira, euskara-elkartera edo euskara-zerbitzura edota bete fitxa hau.

01
Uzt

Udan ere, Euskaraz

Hondartzan, barnetegian, mendian, euskaltegian, lanean, jaietan, atzerrian, etxe ondoan... Udan ere #PRAKTIKATUetaBIZI

Irailean itzuliko gara. 😎

24
Eka

Parte-hartzaileen gogobetetzea.

Apirila eta maiatza bitartean mintzapraktika egitasmoetako parte-hartzaile guztiei inkesta anonimoa bidali zitzaien, eta 803 lagunen erantzunak jaso ziren. Esan dezakegu 2020-2021 ikasturteko balorazioak oso positiboak izan direla, izan ere, gogobetetzearen batez bestekoa 8,4 izan da.

 

Tipologiari erreparatuta parte-hartzaileen %63 bidelariak dira (batez ere, euskara praktikatzeko helburuz ibili diren euskara ikasleak edo ikasle ohiak). Beste %27 bidelagunek osatzen dute. Azken horiek, bi arrazoi nagusi aipatu dituzte proiektuan parte hartzeko: euskaraz hitz egiteko espazio berriak topatzea eta praktikatu nahi duenari laguntzea. 

 

Erabilerari dagokionez, egitasmoan dabilenetik bidelarien % 70ak euskaraz gehiagotan egiten duela adierazi du.

Amaitzeko, parte-hartzaileen testigantzak ere jaso izan dira, horietako batzuk hemen (https://praktikatu.eus/testigantzak) ikusgai daude.

10
Eka

Poltsikorako hitanoa liburuxka

Poltsikorako hitanoa liburuxka argitaratu dute Durangaldeko berbalagunek

Durangaldean hitanoz naturaltasunez egiten duten herritar gehienek 70 urte baino gehiago dituzte; gazteagoen artean, aldiz, eta salbuespenak salbuespen, ez dago hitanoz aritzeko ohitura handirik. Hori dela eta, Durangaldeko berbalagunek eskualdeko hitanoaren erabilera sustatzeko ekimen bi abiatu dituzte: Hiketalagun taldeak eta Poltsikorako hitanoa liburuxka.

Hiketalagun taldeak

2020ko abenduan, aste gutxian, 40 lagunek baino gehiagok eman zuten izena hitanoz berba egiten ikasteko eta praktikatzeko. Urtarrilean hastekoak ziren, baina osasun egoera zela kausa atzeratu egin behar izan zuten; uda ostean, berriro irekiko da izena emateko epea. Hitanoz jarduteko taldeak sortu aurretik, hilabeteko ikastaroa eskainiko da. Bai ikastaroa bai taldeetako parte-hartzea doakoak izango dira.

Poltsikorako hitanoa liburuxka

Era berean, Poltsikorako hitanoa liburuxka argitaratu dute, Hiketalagun taldeen osagarri. Bertan, Durangaldeko hitanoan berba egiteko beharrezko azalpen guztiak ageri dira: noiz eta nola erabili, aditz-taulak… Formatu digitalean ere eskura daiteke: https://labur.eus/2ENfR

Liburuxka osatzeko eta ikastaroa emateko, hitanoak izandako hiztun-galerarekin kezkatuta dauden iurretar batzuen laguntza jaso dute.

Aurkezpena, bertso-saioan

Hau guztia biribiltzeko, Berbalagun egitasmoak, Iurretako jai batzordearekin batera, bertso-saioa antolatu du ekainaren 20an Iurretako plazan. Unai Iturriaga, Miren Amuriza, Eli Pagola eta Eneko Abasolo “Abarkas” hiketan ariko dira, eta gai-jartzailea Maite Berriozabal izango da. Saioa arratsaldeko 18:00etan hasiko da.

Beste herrietara zabaltzeko aukera

Zuen herrian/eskualdean Hiketalagun martxan jarri, edota horrelako liburuxka bat argitaratu nahi baduzue; jarri harremanetan Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. eta abiatzeko aukera aztertuko dugu.